ملاحظاتي عن الحملة:

الحمدلله الحمله موقعها بمنى كويس و قريب من نفق الجمرات . عند وجود اى شكوى من المكييفات سرعه التصرف و اصلاح العطل حتى ان المخيم كان برد جدا و ماكناش بنعرف ننام من السقعه بس احنا للاسف مااعترضناش لان كان فى ناس بالمخيم عاوزاه كده واحنا احترمنا رغبتهم . الاكل للاسف كان بيخلص و اوقات مش بنلاقى اكل لانه كان بنظام البوفيه المفتوح و كان فى اسراف شديد من بعض الحجاج بس لما اشتكي ازواجنا فى قسم الرجال تم تنظيم الاكل و و توزيعه بمعرفه الحمله و الحمدلله كان الاكل بيكفى و يفيض .. المبيت فى المزدلفه كان اسوء تنظيم من الحمله لاننا فضلنا 8 ساعات بالباص منهم حوالى 3 ساعات فى شوارع المزدلفه مانزلنا من الباص غير نص ساعه صلينا عالرصيف و لم نذهب لمخيمنا فى المزدلفه و السواق رجعنا لمخايمتنا فى منى الساعه4 ص بعد اللف فى المزدلفه .