ملاحظاتي عن الحملة:

حملة سيئة بكل المقايس
عدد الحجاج فى الغرف ما حصلش معانا حتى واحنا فى الجيش
مفوجين مش عارفين الطرق توهونا فى أصعب يوم بعد عناء عرفات و مزدلفة
تكييف فريون بالاسم بس
لما لقو الناس بتاكل ايس كريم كتير منعوه
المشروبات الساخنة صنفين فقط
العصائر أسوأ شركة ف المملكة و برتقال من الأصناف الغير مرغوبة للكثيرين
طابور الاكل ما يبحصلش غير مع المساجين ف الافلام
نوعية الاكل احس انك رجعت للمدينة الجامعية تانى
المخيم فى مجمله صغير جدا بالنسبة لعدد الحجاج اللى قبلتهم الحملة و دا تعبنا جدا فى الصلاة واستخدام دورات المياة و النوم
علشان يقنعونا ان مكان الحملة ف منى حدفونا ف حتة متر ف متر ف مزدلفة والناس على بعض مراتب مش كافية للعدد و لا اكل ولا غيره يكفى الحجاج وبالعافية لقينا مكان بجوار دورات المياه و تطفلنا على الحملات التانية علشان ناكل
أمسية و حفلة لا ترقى أنها تتعمل لأطفال حضانة
اتوبيسات برة المخيم طلعت روحنا علشان نوصلها مع انهم كان ممكن يدخلوها زى اى حملة
ضحكوا علينا و اخدونا استراحة الحمرا فى الرجوع و كانت حتة مقطوعة طلعت روحنا علشان نروح منها الحرم للوداع و اضطررنا نمشى بالشنط على راسنا مسافة 3 كيلو
الحمد الله ان ربنا كان منزل علينا السكينة و عدم الجدال علشان الحج يعدى على خير
على العموم سعدنا بالشخصيات الجميلة المحترمة من إخوانا بالمملكة وربنا يتقبل منكم جميعا