10148 شركة مواكب الاهلة المحدودة
السعر: 4501 : 5000
مدينة الإنطلاق: الرياض
وسيلة التنقل بين المشاعر: أخرى
موقع المخيم: د
نعم
لا يوجد مرشد ناضج يشرح المناسك والمطلوب من الحجاج أن يتم عمله
ملاحظاتي عن الحملة:
المرشد لايملك اى معلومات عن عمليه الارشاد الدينى تقريبا معتمد أن الكل يحج عنده معلوماته الخاصه به
المخيم فى منى غير منظم تماما المفروض لكل حاج كارت خاص بيه وعليه كل تفاصيل كامله ومنه رقم الغرفه والأهم رقم المرقد وهذا لم يتم الالتزام به فقط دخول الغرفه واللى يلحق ياخد مرتبه ينام عليها بدون اى ترتيب
غرفه الخاصه صغير ولكن احتوت على 40 فرد بدون اى مسافات تذكر تماما سواء فى فرش المراتب على الأرض أو حتى عمليه المرور فى المشي داخل الغرفه
الملايات والبطانيه والمخدة لا أنكر انها جديده وخارجه من حبيتها ولكن جودتها سيء جدااااااا
لايوجد اى تنضيف حدث داخل الغرفه على الاطلاق خلال فترة الحج
سؤ حال الحمامات والامكانيات المتاحه داخلها سيءه
حاله الاكل وخاصه وجبه الغداء والعشاء سيءه جدااااا وتم تقديم اكتر من شكوى لإدارة المخيم من تقديم اكل بارد غير متناسق وفى اغلب الوقت مش طازج
وقت الاكل هو مكان ضيق والأكل على طربيزة صغيرة لا تتحمل كم الأفراد الموجدين ولكنه فى أغلب الوقت كافى ولكن جودته تقريبا سيءه جداا فى اخر 3 ايام فقط تم توزيع وجبه الغداء فقط داخل المخيمات وكان دى حل مقبول للمشكله
ماء وعصاءر متاحه فى التلاجات طول الوقت بس نوع العصير اسمه الواحه اسم غير معروف ولكنه مقبول ويوجد تلاجه ايس كريم مغلقه تماما ويوم واحد بس تم توزيع ايس كريم
عمليه الانتقال من الرياض إلى الميقات وثم الحرم مقبوله جداا فقط زحمه الإجراءات كانت هى المشكله
اسؤا حاجه حصلت فى الرحله هو يوم الانتقال الى المزدلفه
لحد خروجنا من عرفات كانت الامور مقبوله ولكن بعد الانتهاء من عرفات ودخول الباص الخاص بنا حتى نكمل المناسك تقريبا الباص موجود فى الطريق العام فى المزدلفة حوالى 3 ساعات لان لا يوجد مكان للركن وبعد فترة طويله تم انزالنا على كوبرى عمومى وطبعا بأمر من المرشد تم سواله احنا هانقعد فين قال تحت الكوبرى وبالفعل تم التجمع تحت الكوبرى فى وسط الشارع ومن اليمين واليسار السيارات فى كل مكان وتم الافتراش فى هذا المكان اللذى لايليق لأى انسان
مكان أشبه بالاسواق الخضار العامه تلوث وضوضاء وغيرة من التلوث بالعافيه جلسنا مع صلينا وأخذنا الجمارات
بعديها المرشد نصحنا أن ممكن نمشي على الساعه 2الصبح ونعود الخيام فى منى عشان النساء اللى تعبانين يرتاحو شويه قبل رمى الجمارك فبدأنا الاستفسار عن الوقت
فقال المرشد هانمشي 10دقايق لحد مكه مول ومنها هانركب مواصله تنزلنا اللى المخيم وبعدها سألته طيب من المخيم الى الجمارات مسافه ادخل ايه قال هى 15 دقيقه مش اكتر وعشان اخد كل الاحتياطات سألته من المزدلفه الى الجمارات مسافه ووقت اد ايه قال مسافه كبيره اكتر من 7كيلو وبتاخد وقت كبير مرة على حد تعبيره
طبعا وللاسف كلامه كان مقنع وخاصه انى معى زوجتى وطبعا من يوم انتقالها من الرياض واحنا فى إرهاق تاااام فتمت موافقته وبذلك تم الانطلاق من المزدلفه فى الميعاد المحدد كان عدد لاباس به اغلبهم من النساء
تم السير خلف المرشد المحترم ولكن للاسف لم يكن هناك اى مواصله وتم الوصول إلى المخيم سيرا على الاقدام حوالى 6كيلو مع عدد كبير من النساء اللى المفروض انهم تعابنين ومشيو عشان يرتاحو مش يتعبو اكتر
للاسف ده كان اسواء شىء فى الرحله اهانه المكان اللى افترشنا فيه فى المزدلفة وعلقه المسافه الكبيرة سيرا على الاقدام الى المخيمات طبعا اشتكنا المرشد لإدارة المخيم وللاسف يتم افادتنا بأى جديد كما متوقع
لايوجد انتقالات بين المشاعر اخر انتقال كان من عرفات إلى المزدلفه
الحمله فى مجملها سيئه جدااااا تنظيما واداريا وكل شيء ولا انصح ابدا اى حد فى الحجز معها